JCh-2018 RASMIY TO‘PI — TELSTAR 18

Adidas Telstar 18 — jahon chempionatining rasmiy futbol to‘pidir. U kesik ikosaedr shaklidagi dastlabki chipor to‘plardan biri bo‘lgan afsonaviy Adidas Telstar sharafiga nomlangan.

To‘p FIFA va UEFA chempionatlarining doimiy to‘p etkazib beruvchisi Adidas kompaniyasi tomonidan yaratilgan va Pokistonning Sialkot shahridagi Forward Sports kompaniyasi tomonidan ishlab chiqariladi.

To‘p 2017 yil 9 noyabrь kuni Argentina terma jamoasi hujumchisi Lionelь Messi tomonidan Moskva shahrida taqdim qilindi. Keyinchalik u bilan klublar o‘rtasidagi jahon chempionatida o‘ynaldi.

2010 yili Adidas kompaniyasi Jabulani deb nomlangan va 8ta bo‘lakdan yopishtirilgan to‘pni chiqardi. Ammo, keyinchalik, juda ham silliq to‘pning aerodinamikasi yomon ekani ma’lum bo‘ldi. Tango 12 to‘pida silliqlikdan biroz chekinildi. Telstar 18 to‘pi esa noto‘g‘ri kub shaklida ishlab chiqariladigan bo‘ldi. Adidas kompaniyasi bayonotiga ko‘ra, to‘p juda pishiq bo‘lib, nafaqat stadionda, balki ko‘chada o‘ynashga ham mosdir. Yana bir yangilik - to‘pga joylashtirilgan NFC chipi bo‘lib, u stadionlardagi elektron tizimlar uchun emas, balki reklama maqsadida ishlatiladi. Agar chip smartfon yordamida o‘qilsa, to‘p haqidagi barcha ma’lumotlar joylashtirilgan veb sahifa ochiladi.

Asl Adidas Telstar 18 to‘plari 150 evro narxda sotiladi. Uning suvenir va replika nusxalari ancha arzonroq.

Jahon chempionatlarining barcha to‘plari bir rasmda.

JCh-2018 TIMSOLI — ZABIVAKA

Zabivaka — inson qiyofasini o‘zida mujassamlashtirgan bo‘ri bo‘lib, jahon chempionatining rasmiy timsolidir. U tomsklik talaba-dizayner Ekaterina Bocharova tomonidan ishlab chiqilgan va internet-so‘rovnoma natijalariga ko‘ra, tanlab olingan.

Tanlovning final bosqichida Zabivaka-bo‘ri 53 % ovoz bilan birinchi o‘rinni egallab, Yo‘lbars (27 %) va Mushukni (20 %) ortda qoldirgan.

Bo‘ri jigarrang-oq junli, RUSSIA 2018 yozuvi tushirilgan futbolka kiygan, peshonasida esa pushtirang sport ko‘zoynagi bor. Futbolka va shortidagi oq, ko‘k va qizil ranglar Rossiya terma jamoasining milliy ranglarini anglatadi.

JCh-2018 HOMIYLARI

Jahon chempionatining homiylari - salqin ichimliklarni ishlab chiqaruvchi Budweiser, elektronika tovarlarini ishlab chiqaruvchi Hisense, tezkor ovqatlanish restoranlari tizimiga ega Mcdonalds, sut mahsulotlari ishlab chiqrauvchi Mengniu va mobil telefonlar ishlab chiqaruvchi Vivo kompaniyalari hisoblanadi.

Bundan tashqari FIFA sport kiyimlariga ixtisoslashgan Adidas, salqin ichimliklar ishlab chiqaruvchi Coca-Cola, tabiiy gazning yirik eksportchilaridan biri Gazprom, avtosanoat vakillari Hyundai va Kia Motors, Qatar Airways aviakompaniyasi, to‘lov operatsiyalari xizmatini taklif qiluvchi Visa, yirik transmilliy konglomerat Wanda Group bilan ham hamkorlik qiladi.