" Real madrid " muxlislari sayti !!!
"FUTBOL TV " Yangiliklar !!
Barcha Bukmekerlar Yangilangan Ilovasi
Новости спорта
Rossiyada o‘tadigan Jahon chempionatini o‘tkazish borasida bir nechta reglamentlar bor. Bevosita o‘yinlarni o‘tkazish qonun-qoidalariga bag‘ishlangan reglamentning muhim jihatlariga to‘xtalib o‘tamiz.
O‘YIN QOIDASI:
1. Har bir o‘yin 90 daqiqadan iborat bo‘ladi. O‘yin har biri 45 daqiqadan iborat 2 ta bo‘lim va 15 daqiqalik tanaffusdan iborat bo‘ladi. Pley-off o‘yinlarining asosiy vaqti durang bilan tugasa, har biri 15 daqiqadan iborat 2 ta qo‘shimcha taym belgilanadi. Har bir bo‘lim so‘ngida zaxira hakami taymga necha daqiqa kompensatsiya vaqti qo‘shilganini ko‘rsatadi.
2. Har bir terma jamoa 23 nafardan iborat yakuniy ro‘yxatni FIFAga topshiradi. Ulardan 3 nafari darvozabonlar bo‘lishi shart. Reglamentga ko‘ra, futbolchilarning liboslaridagi raqamlar 1 dan 23 gacha bo‘lishi shart. 1-raqam esa darvozabonlardan biriga berilishi shart. Qolgan darvozabonlarga esa 2 dan 23 gacha bo‘lgan raqamlardan biri berilishi mumkin. E’tiborli tomoni, har bir terma jamoa kamida bir dona zaxira darvozabon libosiga ega bo‘lishi shart. Bu formaga raqam va ism-familiya yozilmaydi. Uchrashuv paytida darvozabon maydondan chetlatilib, jamoada futbolchi almashtirish imkoniyati qolmaganida darvozaga turadigan maydondagi o‘yinchi mazkur formani kiyib oladi.
3. Ushbu ro‘yxatga kiritilgan futbolchilardan bir nafari jiddiy jarohat olgan taqdirda (bu haqda tibbiy xulosa FIFAga taqdim etiladi), o‘sha jamoaning musobaqadagi birinchi o‘yiniga 1 qolgunga qadar tarkibga boshqa o‘yinchining kiritilishiga ruxsat beriladi.
4. O‘yin qaydnomasiga 11 nafar asosiy tarkib va 12 nafar zaxira tarkib futbolchilari kiritiladi. O‘yin qaydnomasi uchrashuv boshlanishiga 85 daqiqa qolganida to‘ldiriladi. O‘yin davomida murabbiy 3 nafar o‘yinchini maydonga tushirishi mumkin. Shuningdek, pley-off bosqichi bahsi qo‘shimcha bo‘limlarga o‘tadigan bo‘lsa, jamoalarga yana bir o‘zgarish qilish imkoniyati beriladi.
5. O‘yin boshlanguniga qadar chigalyozdi mashg‘ulot jarayonida futbolchi jarohat olsa, uning o‘rniga boshqa o‘yinichi almashtiriladi va bu o‘zgartirish umumiy almashtirishlar soniga kirmaydi.
MUSOBAQA FORMATI:
6. JCh-2014da jami 32ta jamoa ishtirok etadi. Ular 2017 yilning 1 dekabrь kuni tashlangan qur’a natijasida 8ta guruhga (“A”dan “N”gacha) bo‘linishgan.
7. Jamoalar guruh bosqichida bir-biri bilan o‘zaro bir martadan o‘ynab chiqishadi. Har bir o‘yinda: g‘olib jamoaga 3 ochko, durang uchun har bir jamoaga 1 ochkodan beriladi, mag‘lubiyat uchun ochko berilmaydi.
8. Guruhlarda birinchi va ikkinchi o‘rinni egallagan jamoalar keyingi bosqichga chiqadi. Jamoalarning guruhdagi o‘rinlari quyidagi tamoyillar asosida aniqlanadi:
a) guruhda eng ko‘p ochko to‘plagan jamoa;
b) guruhning barcha o‘yinlarida eng yaxshi to‘plar farqiga ega bo‘lgan jamoa;
s) guruhning barcha o‘yinlarida ko‘p gol urgan jamoa.
- Agar ikki yoki undan ortiq jamoa mazkur 3 ta tamoyilga ko‘ra bir xil vaziyatda bo‘lsa, u holda ularning o‘rinlari quyidagicha aniqlanadi:
d) o‘zaro o‘yinlarda ko‘p ochko to‘plagan jamoa;
e) o‘zaro o‘yinlarda yaxshi to‘plar nisbatiga ega bo‘lgan jamoa;
f) o‘zaro o‘yinlarda ko‘p gol urgan jamoa;
g) Feyr-pley qoidasi. Bunda jamoalarning guruh bosqichidagi sariq va qizil kartochkalari hisob-kitob qilanadi va unda kamroq ochko olgan jamoa keyingi bosqichga yo‘l oladi. Bunda:
- sariq kartochka — 1 ochko;
- ikkita sariq kartochka orqali berilgan qizil kartochka — 3 ochko;
- to‘g‘ridan-to‘g‘ri qizil kartochka — 4 ochko;
- sariq va to‘g‘ridan-to‘g‘ri berilgan qizil kartochka — 5 ochko.
h) qur’a.
9. Har bir guruhning so‘nggi tur o‘yinlari bir vaqtda boshlanishi shart.
10. Pley-off bosqichida o‘yinning asosiy vaqti durang bilan yakunlansa, qo‘shimcha bo‘limlar belgilanadi. Qo‘shimcha bo‘limlar bahsning asosiy vaqti yakunlanganidan so‘ng 5 daqiqa o‘tib boshlanadi. Qo‘shimcha bo‘limlar orasida tanaffus berilmaydi. Jamoalar qo‘shimcha bo‘limlarni to‘liq o‘tkazishadi. Qo‘shimcha bo‘limlardan so‘ng ham g‘olib aniqlanmasa, navbat penalьtilar seriyasiga beriladi.