Saxifa xar 1 daқiқada avtomatik yangilanadi.

Evropa chempionlar ligasi

Final. 26 may, soat 23:45. Bosh hakam: Milorad Majich (Serbiya)
REAL MADRID Karim Benzema (51) Garet Beyl (64, 84)	3 : 1	LIVERPUL' Sado Mane (55)
JAMOALAR TARKIBI
01.Keylor Navas (D) 04.Serxio Ramos 05.Rafael Varan 12.Marselo 02.Daniel Karvaxal 10.Luka Modrich 14.Kazemiro 08.Toni Kroos 22.Isko 09.Karim Benzema 07.Krishtianu Ronaldu		01.Loris Karius (D) 06.Deyan Lovren 26.Endryu Robertson 04.Virjil van Deyk 05.Jorjino Veynaldum 14.Jordan Xenderson 19.Sadio Mane 07.Jeyms Milner 09.Roberto Firmino 66.Alexandr-Arnold Trent 11.Muhammad Saloh
ZAHIRA
13.Kiko Kasilya (D) 06.Nacho 15.Teo Ernandes 20.Marko Asensio 23.Mateo Kovachich 17.Lukas Vaskes 11.Garet Beyl		22.Simon Minole (D) 23.Emre Jan 02.Nataniel Klayn 17.Ragnar Klavan 18.Alberto Moreno 20.Adam Lallana 29.Dominik Solanke

Matn

90+4'		O'yin yakunlandi! "Real" Evropa chempionlar ligasi g'olibi! Tabriklar!
90+3'		Ehhh! Ronaldu raqib jarima maydonchasiga kirgan paytda qaerdan muxlis maydonga yugurib chiqib, hujumni uzib qo'ydi
90'		Ikkinchi bo'limga 3 daqiqa qo'shib berildi
89'		"Real"da so'nggi o'zgarish: Benzema o'rniga Marko Asensio tushirildi
85'		VUUUUUH! Beyl xet-trikka erishishi mumkin edi. U darvozabon bilan yakkama-yakka vaziyatga chiqdi. Lovren xavfni bartaraf etdi
85'		Bu o'yinda qahramon bor — Garet Beyl! Antiqahramon ham bor. Loris Karius!
84'		GOOOOOOOL! Garet Beyl, 3:1! Uelslik futbolchi olis masofadan zarba berdi. Karius oddiy vaziyatda to'pni o'tkazib yubordi. To'p darvozabonning qo'lidan sirpanib, to'rga borib tushdi.
83'		"Liverpul"da o'zgarish: Jeyms Milner o'rniga Emre Jan tushdi
82'		Mane sariq kartochka oldi. U Ramosga nisbatan fol ishlatdi
81'		"Madrid"ning xavfli hujumi! O'ng qanotdan etkazilgan uzatmagan Benzema 15 metrlardan zarba berdi. Karius seyv namoyish qildi
77'		Milner chap qanotdan erlatib uzatma berdi. Himoyachilar uzatmani qaytarishdi
75'		Kroos jarima to'pini o'yinga kiritdi. Beyl ofsaydda qoldi
74'		VUUUUUH Ronaldu! Krishtianu darvozabon bilan yakkama-yakka vaziyatga chiqib ketdi. Robertson esa ortdan etib kelib, to'p yo'liga o'zini tashladi. Natijada Ronaldu berayotgan zarbadan so'ng to'p himoyachidan oyog'idan maydonni tark etdi
73'		Firmino o'ng qanotdan jarima maydonchasiga kirdi va o'tkir burchak ostida zarba berdi. Navas to'pni egalladi
70'		VUUUUUUH! Sado Maneeeee! Senegallik futbolchi 16 metrdan erlatib zarba berdi. To'p ustunga tegib qaytdi!!!
69'		Vuuuuh! Olis masofadan Manega uzatma berildi. Ramos so'nggi pallada xavfni bartaraf etishga muvaffaq bo'ldi
67'		Bunaqa goldan keyin "Liverpul" futbolchilarining o'ziga kelishi oson bo'lmaydi. To'p nazorati madridliklar tomonida
64'		GOOOOOOOOOL! Garet Beyl, 2:1! Dahshatli gol! Chap qanotdan Marselo tomonidan etkazilgan uzatmani uelslik futbolchi chalqancha uslubda raqib darvozasiga joylab qo'ydi!
62'		"Real"da o'zgarish: Isko o'rniga Beyl tushirildi
61'		Vuuuuuh! Nachoning uzatmasidan keyin Isko jarima maydonchasi ichida to'pni egalladi va zarba berdi. Karius qutqardi!
60'		"Liverpul"ning golidan keyin o'yinning tempi yana maksimal darajdaga ko'tarildi. Maydon keskin kurashlar kechmoqda. Hech kim o'zniyam, raqibniyam ayab o'tirmayapti
55'		GOOOOOOOL! Sado Mane, 1:1! Burchakdan etkazilgan uzatmaga van Deyk bosh bilan zarba berdi. Mane shundoqqina darvoza oldidan to'pni darvozaga joylab qo'ydi
54'		VUUUUUH! "Liverpul" hisobni tenglashtirishiga bir baxya qoldi! Milner chap qanotdan jarima maydonchasiga uzatma berdi. Varan to'p yo'nalishini biroz o'zgartirdi. Natijada Firmino to'pga biroz eta olmadi
53'		Benzema ofsaydda qoldi
51'		GOOOOOOL! Karim Benzema, 1:0! Eh, Karius! Yosh bolalarcha xatoga yo'l qo'ydi! Kroosning uzatmasidan keyin Benzema to'pga eta olmadi va uni darvozabon egallab oldi. Karius egallagan to'pni jamoadoshiga otayotganida Benzema to'p yo'liga oyoq qo'ydi. To'p Karimning oyog'idan darvozga kirib ketdi
48'		VUUUUUUUH! Iskoning zarbasidan keyin to'p to'singa tegib qaytdi!!! Bu vaziyatda "Liverpul" himoyachilari kontsentratsiyani yo'qotib qo'yishdi. Isko esa birga-bir vaziyatda 14 metrlardan zarba bergandi...
46'		Ikkinchi bo'lim boshlandi
45+4'		Birinchi bo'lim yakunlandi. Tanaffus. Hozircha hisob ochilmadi
45+3'		Benzema jarima maydonchasi tashqarisidan zarba berdi. To'p ustun yonidan o'tib ketdi
45'		Vuuuh! Yuqoridan "Liverpul" jarima maydonchasiga uzatma berildi. O'ng qanotdan yordamga kelgan Nacho oyoq bilan zarba berdi. To'p darvoza to'riga yon tomondan kelib tegdi
43'		VUUUUUUUH! Isko o'ng qanotdan havolatib uzatma berdi. Ronaldu bosh bilan zarba berdi. Karius qaytardi, Benzema bo'sh qolgan darvozani ishg'ol etgandi. Ammo ofsayd qayd etildi. Yo Krishtianu, yo Karim ofsaydda qolgan
41'		Ketma-ket ikkita jarohatlardan keyin o'yin tempi ancha tushdi
37'		Vuuuh! Milner kutilmaganda oldingi chiziqqa uzatma berdi. Lallana uzatmaga biroz eta olmadi
36'		Dani Karvaxal o'rniga Nacho tushdi.
35'		Endi Karvaxal jarohat oldi. Daniel ham yig'lamoqda. Nahotki o'yinni davom ettira olmaydi?!
32'		"Real"ning hujumi. Modrichning jarima maydonchasi tomon uzatmasi himoyachidan o'tmadi
30'		Adam Lallana tayyorlanmoqda. U Salohning o'rniga maydonga tushadi
29'		Muhammad Saloh o'yinni davom ettira olmaydigan ko'rinadi. Uning chap elkasidagi og'riq uni qiynamoqda. Misrlik futbolchi ko'zda yosh bilan maydonni tark etmoqda. Afsus
28'		Burchak to'pi o'yinga kiritilgan paytda Navasga nisbatan fol ishlatildi, deb topildi
28'		Saloh maydonga qaytdi. Mane esa chap qanotdan hujumga o'tib, burchak to'pi ishladi
26'		Muhammad Saloh jiddiy jarohat olgan ko'rinadi. Serxio Ramos misrlik futbolchining yo'lini qo'ltig'iga qisib olib yiqildi.
23'		VUUUUUUUUH! "Liverpul"dan ajoyib hujum! Manening uzatmasidan keyin Xenderson o'ng qanotdan oldinga o'tdi va jarima maydonchasiga uzatma berdi. Firmino 11 metrli nuqta ustidan to'pni egallab, zarba berdi. To'p Ramosga tegib qaytdi. To'pni egallagan Trent 12 metrlardan zarba berdi. Navasdan ajoyib seyv! Qoyil, Keylor! Qutqarding "Real"ni
22'		Oho! Firmino va Mane chap qanotdan jarima maydonchasiga kirib kelishdi. Ammo Roberto bosh bilan uzatmani biroz noaniq bergani uchun to'pga Mane emas, Karvaxal etib bordi birinchi bo'lib
18'		Vuuuh! "Real" yo'q joydan o'z darvozasiga burchak to'pi olib keldi. Burchakdan to'pni Saloh etkazdi. Navas baland sakragan van Deyyka kurashda imkoniyatni boy berdi. "Real" baxtiga to'p darvoza ustidan o'tib ketdi
15'		Vuuuuuh! "Liverpul" maydon markazida to'pni yo'qotishi natijasida "Real" o'ng qanotdan tezkor qarshi hujum tashkil qildi. Ronaldu o'ng qanotdan jarima maydonchasiga kirib kelib, o'tkir burchak ostida kuchli zarba berdi. To'p to'sin ustidan o'tib ketdi
14'		Vuuuh! Inglizlar raqibni o'z jarima maydonchasiga qamab, 3 marta zarba berishga muvaffaq bo'ldi. Har safar himoyachilar zarab yo'liga g'ov bo'lishdi
12'		"Real" mersisaydliklarning birinchi 10 daqiqadagi bosimiga dosh berib, endi o'zi to'p nazoratini o'z tomoniga og'dirishga harakat qilmoqda
11'		Oho! Marselo jarima maydonchasi tashqarisidan chap oyoqda erlatib zarba berdi. To'p olis ustun yonidan 2 metrlar masofadan o'tib ketdi
8'		"Liverpul"ning xavfli hujumi. Yana Navas vaziyat qahramoni!
7'		Vuuuuh! Ajoyib uzatma natijasida tezkor Mane darvozabon bilan yakkama-yakka vaziyatga chiqib ketdi. So'nggi pallada Keylor Navas xavfni bartaraf etdi
6'		Xenderson jarima to'pini o'z yaqinidagi Salohga tashlab berdi. Muhammadning zarbasi yo'liga Modrich g'ov bo'ldi
5'		Marselo jarima maydonchasi burchagida Salohga nisbatan fol ishlatdi. Jarima zarbasi. Xavfli bo'lishi mumkin
4'		Trent o'ng qanotdan uzatma berdi. Varan to'pni qaytardi
3'		Salohning uzatmasidan keyin Veynaldum jarima maydonchasi tashqarisidan zarba berdi. Himoyachi zarba yo'liga g'ov bo'ldi
2'		Vuuuuuh! Karvaxal o'ng qanotdan raqib darvozasiga yaqiniga havodan uzatma berdi. Benzema to'pga tashlandi, darvozabon to'pni urib yubordi. Karim ofsaydda qolgan ekan
1'		Vuuuuuh! "Liverpul"ning xavfli hujumi! Salohning uzatmasidan keyin Mane raqib jarima maydonchasiga kirdi, ammo Varan so'nggi pallada xavfni bartaraf etib qoldi
1'		Diqqat! Milorad Majichning hushtagi yangradi va o'yin boshlandi. To'pni o'yinga mersisaydliklar kiritib berishdi
'		"Real" oq, "Liverpul" qizil rangli formada maydonga tushishgan
'		Evropa chempionlar ligasi madhyasi yangramoqda!
'		DIQQAT! "Real" va "Liverpul" jamoalari maydonga chiqib kelishmoqda! Futbochlilarni kutib olamiz!
'		Assalomu alaykum, qadrli futbol muxlislari! Evropa chempionlra ligasining hal qiluvchi bahsiga etib keldik!