Ispaniyaning "Valensiya" jamoasi markaziy yarim himoyachisi Karlos Soler "Manchester Yunayted" qiziqishlari doirasida.

Angliya jamoasi 20 yoshli futbolchi uchun 33 million evro taklif etishi mumkin. Klubdagilar uni Maykl Kerrikka munosib o'rinbosar sifatida ko'rishmoqda.

Solerning jamoasi bilan shartnomasi 2021 yilga qadar davom etadi. Uning tovon puli 83 million evroga teng. "Valensiya" ham bundan kamiga rozi bo'lmoqchi emas.

Soler bu mavsumda Primeroda 9 o'yin o'tkazdi va 1 gol urib, 4 ta golga assistentlik qildi.