"Barselona" sardori Andres Inesta va vitse-sardor Lionel Messi "Liverpul" yarim himoyachisi Koutinoni jamoaga olib kelish borasida yakdil fikrda emas.

33 yoshli Inesta Koutinoni 150 mln evroga sotib olish – haddan tashqari katta xarajat, deb hisoblayotgan bo'lsa, Messi va unga yaqin futbochlilar, jumladan, Luis Suares, "Barselona" qishki transfer paytida "Liverpul" etakchisini sotib olishi kerak, degan fikrda.

Shuningdek, "ko'k-anorranglilar" bosh murabbiyi Ernesto Valverde ham Leo tomonida, deya xabar tarqatdi Diario Goal nashri. "Barsa" ustozining fikricha, Koutino EChLing ushbu mavsumida kataloniyaliklar safida maydonga tusha olmasa-da, u La liga va Ispaniya kubogida jamoaga yordam beradi.

Ma'lumot uchun. "Liverpul" Koutinoni 150 mln evro evaziga "Barselona"ga qo'yib yuborishga tayyor. Braziliyalik futbolchi "Barsa" libosini kiyish uchun "PSJ"ga rad javobini berdi.