«Atletiko» hujumchisi Antuan Grizmann faoliyatini Frantsiya chempionatida davom ettirishi mumkin. Ma'lumotlarga qaraganda, "PSJ" Antuan bilan shartnoma imzolashni istamoqda.

Parijliklar Grizmanni qo'lga kiritish uchun o'z hujumchisi Edinson Kavanini "Atletiko"ga taklif qilmoqda. Ya'ni, jamoalar hujumchilarni almashishlari mumkin.

Grizmann va «matraschilar» o'rtasida tuzilgan shartnomada futbolchining tovon puli sifatida 100 million evro ko'rsatilgan. Bu summani to'lagan klub hujumchini qo'lga kiritishi mumkin. Kavani esa Neymar bilan yuz bergan mojaro tufayli "PSJ"ni tark etishi mumkinligi haqida xabarlar tarqalgandi.

Grizmann Ispaniya chempionatining ushbu mavsumida 9ta o'yinda maydonga tushib, 2ta gol urdi va 2ta golga uzatma berdi.