Londonning “Arsenal” jamoasi futbolchisi Mesut O'zil faoliyatini “Barselona”da davom ettirishi mumkin.

Diario Sport xabariga ko'ra, xavbekning agenti Erkut Segut o'tgan haftada Kataloniya klubi bosh direktori Pep Segura bilan muzokaralar olib borgan.

Agent O'zilning “Barselona”ga o'tishi xohishi borligini aytgan. “Arsenal”dagilar futbolchini ma'lum miqdordagi summa evaziga sotib yuborishga tayyor turganini ham tushuntirgan.

Agarda “Barselona” “Liverpul”dan Filippe Koutinoni xarid qila olmasa, O'zilni olib kelishi mumkin. Germaniyalikning “Arsenal” bilan shartnomasi 2018 yilda yakunlanadi.