"PSJ" klubi "Inter" bilan hujumchi Mauro Ikardining transferi borasida muzokara olib bormoqda.

Jurnalist Fabritsio Romano tarqatgan xabarga ko'ra, parijliklar 27 yoshli futbolchi uchun "neradzurri"ga 50 million evro va yana 10 million evro bonus shaklida taklif yuborishdi.

Bir yil avval klublar o'rtasida tuzilgan ijara shartnomasida "Pari Sen-Jermen" argentinalik futbolchini 70 million evroga sotib olishi mumkinligi haqida band kiritilgan edi.

Ikardi ushbu mavsumda "PSJ" safida barcha musobaqalar doirasida 31ta o'yinda maydonga tushib, 20ta gol urdi va 4ta golga uzatma berdi.