«Chelsi» klubi hujumchi Diego Kosta tufayli murakkab vaziyatga tushib qolgan.

Mirror xabariga ko'ra, ingliz klubi futbolchini zudlik bilan sotib yuborishni istamoqda. Avvalroq, bosh murabbiy Antonio Konte uning xizmatiga muhtoj emasligi haqida gapirgandi.

Diego Kostaning o'zi faqat «Atletiko» klubiga o'tishni istayapti. Bundan xabardor bo'lgan madridliklar uning transferi uchun bor yo'g'i 25 mln evro taklif qilmoqda. Biroq «Chelsi» uni 2014 yilda «Atletiko»dan 35 mln evroga sotib olgan va kamida shuncha narxga qo'yib yubormoqchi.

Avvalroq, Xitoyning «Tyantszin Tsyuantszyan» klubi Diego Kosta uchun € 86,5 mln taklif qilgan edi, biroq futbolchi Osiyoga ko'chib o'tishni istamadi. Endi «Chelsi» futbolchi tufayli 61 mln evrodan mahrum bo'lishi mumkin.