«Arsenal» hujumchisi Aleksis Sanches jamoani tark etishni istamoqda. Chililik futbolchi Xosep Gvardiola bilan birga ishlash imkoniyatiga ega bo'lish uchun «Manchester Siti»ga o'tishni xohlamoqda.

Sanches «Arsenal» va Arsen Vengerni hurmat qiladi, ammo uning uchun Chempionlar ligasida o'ynash muhim ahamiyatga ega. "Kanonirlar" esa EChL yo'llanmasini qo'lga kirita olmadilar.

«Man Siti» Sanchesga taklif bilan chiqdi va u bu taklifga rozilik berdi. Manchesterliklar Aleksisning transferi uchun «Arsenal»ga 47 million funt taklif qilishmoqda.

Sanchesning «Arsenal» bilan shartnomasi 2018 yilda yakuniga etadi. Avvalroq "kanonirlar" rahbariyati futbolchi bilan shartnomani uzaytirish borasida muzokaralar olib borayotgani haqida xabarlar tarqalgandi.