«Manchester Yunayted» klubi «Inter» yarim himoyachisi Ivan Perishichni qo'lga kiritish uchun harakatlarni davom ettirmoqda. Avvalroq mankunianliklar xorvatiyalik futbolchi uchun 40 million evro taklif qilgani, ammo «neradzurri» bu taklifga rad javobini bergani haqida xabar tarqalgandi. Milanliklar futbolchining transferi orqali 60 million evro daromad qilishni ko'zlashmoqda.

Calciomercato sayti tarqatgan xabarga ko'ra, «qizil iblislar» mazkur transferga himoyachi Matteo Darmianni qo'shmoqchi. Transfermarkt ushbu himoyachini 12 million evroga baholagan. Bunday holatda "MYu" 30 million evro to'lashga tayyor.

Yakunlangan mavsumda Perishich "Inter" safida barcha musobaqalarda 42ta o'yinda maydonga tushib, 11ta gol urdi va 12ta golga assistentlik qildi.