Dortmundning “Borussiya” va Frantsiyaning “Marsel” klublari “Seltik” hujumchisi Mussa Dembele uchun kurashga qo'shildi. Bu haqda TMW xabar bermoqda.

Shotlandiyaliklar 20 yoshli mahorat egasining transferidan 40 million evro talab qilmoqda. Uning amaldagi shartnomasi esa 2020 yilning 31 mayiga qadar davom etadi.

Avvalroq Angliyaning bir qator grandlari – “MYu”, “Tottenxem”, “Chelsi”, “Arsenal”, “Liverpul” va “Everton” ham yosh iste'dod egasiga da'vogarlik qilmoqda.

O'tgan mavsumda Mussa Dembele Shotlandiya chempionatining 29 o'yinida maydonga tushib, 17 ta gol urdi va 3 ta sariq kartochka oldi. 20 yoshli futbolchi Shotlandiya chempionati to'purarlari ro'yxatida uchinchi o'rinni egalladi.