«Barselona» klubi «Guanchjou Evergrand» yarimhimoyachisi Paulinoni qo'lga kiritish niyatidan qaytmayapti.

Mundo Deportivo xabariga ko'ra, kataloniyaliklar 28 yoshli braziliyalik futbolchi uchun 30 mln evro berishga tayyor.

Avvalroq, Xitoy klubi «Barselona»ning 20 va 27 mln evrolik takliflariga rad javobini bergan va uning tovon puli 40 mln evro ekanini ma'lum qilgan edi.

Yaqinda «Guanchjou» braziliyalik Muriki bilan shartnoma imzoladi. Natijada, u jamoa tarkibidagi 5-legionerga aylandi. Ma'lumki, Xitoy chempionatida bir klub tarkibida uch nafar xorijlik maydonga tusha oladi. Shu tufayli, «Barselona» Paulinoning qo'yib yuborilishidan umidvor bo'lmoqda.