"Barselona" hujumchisi Lionel Messi "Man Siti" klubiga o'tishi mumkin.

A Bola xabariga ko'ra, futbolchining otasi va agenti Xorxe Messi "Manchester Siti" sport direktori Chiki Begiristayn bilan muzokara o'tkazgan. U o'g'lining ingliz klubiga transferini muhokama qilgan.

Avvalroq, "Manchester Siti" 30 yoshli futbolchi uchun 300 million evro to'lashga tayyor ekani haqida xabarlar chiqqan edi. Messining "Barselona" bilan imzolagan shartnomasi 2018 yil yoziga qadar amal qiladi.