«PSJ» yarimhimoyachisi Anxel Di Mariya yozda «Barselona»ga o'tishi mumkin edi.

Kataloniyaliklar 29 yoshli futbolchi bilan 10 mln evro maoshni ko'zda tutadigan shartnoma haqida kelishib olgan edi. PSJ klubiga esa uning transferi uchun 40 mln evro taklif qilindi, ammo parijliklar 60 mln evro so'radi. Natijada, transfer barbod bo'ldi.

L’Equipe xabariga ko'ra, Di Mariya "Barselona"ga o'tmay qolganidan afsusda emas.

Avvalroq, PSJ moliyaviy feyr-pley qoidalariga mos kelish uchun Di Mariyani qishda sotib yubormoqchi ekani haqida xabarlar chiqqan edi.