«Real» yarim himoyachisi Kazemiro faoliyatini Angliyada davom ettirishi mumkin. Braziliyalik futbolchiga «Manchester Yunayted» klubi qiziqish bildirmoqda.

Mankunianliklar Kazemironi jamoaning eng ko'p maosh oladigan o'yinchisiga aylantirishga tayyor. Yarim himoyachi "MYu"ga o'tishga rozi bo'lsa, Pol Pogba bilan bir xil darajada maosh oladi.

Kazemironing "Real" bilan amaldagi shartnomasi 2021 yilga qadar tuzilgan. Futbolchi 2015 yildan beri madridliklar sharafini himoya qilib kelmoqda. Uning transfer narxi 30 million evroga baholangan.