Kirish | A'zo bo'lish

Oliy liganing 2-turi doirasida «Lokomotiv» - «So'g'diyona» uchrashuvi o'tkazildi. Ichki chempionatning amaldagi chempioni birinchi bo'limda jizzaxliklar jamoasining jiddiy qarshiliga uchradi. Uchrashuvning birinchi qismida hisob ochilmasdan qoldi.

70-daqiqaga kelib, mezbonlar hisobni ochishga muvaffaq bo'lishdi - Marat Bikmaev penaltini aniq bajardi.

Uchrashuv asosiy vaqti tugashiga 7 daqiqa qolganida «Lokomotiv» ikkinchi golini urdi. Gol muallifi Timur Kapadze.

Bir daqiqa o'tib, Jaloliddin Masharipov hisobni yirik ko'rinishga olib keldi - 3:0. Bu «Paxtakor» tarbiyalanuvchisining yangi jamoasidagi birinchi goli bo'ldi.

«Lokomotiv» ushbu g'alabadan so'ng ochkolar sonini 6taga etkazdi va chempionat peshqadamlaridan biriga aylandi.

Oliy liga, 2-tur

«Lokomotiv» (Toshkent) – «So'g'diyona» (Jizzax) 3:0

Gollar: Marat Bikmaev 70 penalti, - 1:0. Timur Kapadze 82, - 2:0. Jaloliddin Masharipov 84, - 3:0.

«Lokomotiv»: Ignatiy Nesterov, Boburbek Yo'ldoshev, Kaxi Maxaradze, Shuhrat Muhammadiev, Islom To'xtaxo'jaev, Salim Mustafoev (Oleg Zoteev, 62), Timur Kapadze, Sadriddin Abdullaev, Jaloliddin Masharipov (Murodbek Bobojonov, 86), Sardor Mirzaev, Marat Bikmaev.

«So'g'diyona»: Sarvar Karimov, Sardor Qulmatov, Azamat Isroilov, Elyor Orifov, Sunnatilla Mamadaliev, Sanjar Rashidov, Alisher Mahmulov (Shohrux Dostonov, 73), Rustam A'zamov (Qahramon Bahodirov, 76), Izzatilla Abdullaev, Ixtiyor Toshpo'latov, Sardorbek Eminov (G'ulom O'runov, 86).

— deya xabar beradi Tribuna nashri.

Do`stlarbilan baxam ko`rish: