«Bornmut» himoyachisi Tayron Mingsga Angliya futbol assotsiatsiyasi tomonidan 5 o'yindan iborat diskvalifikatsiya muddati tayinlandi. U «Manchester Yunayted»ga qarshi o'yin vaqtida raqib jamoa hujumchisi Zlatan Ibrahimovichning yuzini qasddan bosib o'tganlikda ayblangan.
Ushbu holat APLning 27-turi doirasida 4 mart kuni Manchesterda kechgan va 1:1 hisobidagi durang bilan yakunlangan o'yin vaqtida ro'y berdi. Birinchi bo'lim oxirida to'qnashuvlardan birida yiqilib qolgan Ibrahimovich ustidan sakrab o'tish vaqtida Tayron Mings butsasining ostki qismi bilan shvetsiyalik hujumchining boshiga zarba bergan. Keyinroq, boshqa vaziyatda bunga javoban Ibrahimovich raqibining yuziga tirsagi bilan zarba berdi.
Ushbu holatlar videoyozuvlari o'rganib chiqilgach, ikki futbolchi ham qasddan qo'pollik qilgan deb topildi.
Bundan oldinroq Ibrahimovich ushbu o'yindagi xatti-harakatlari uchun 3 o'yinga diskvalifikatsiya qilingani ma'lum bo'lgandi.
Ibrahimovichni bosib o'tgan «Bornmut» futbolchisi: Shu kun kelishini bir umr kutgandim
Ekspert: «Mingz qasddan Zlatanning boshini bosib o'tdi va buning uchun uzr so'ramadi»