«Atletiko» Madrid hujumchisi Antuan Grizmann Ispaniya qirollik futbol federatsiyasi musobaqalarni tashkillashtirish qo'mitasi tomonidan jazoga tortildi.
As manbasi bergan xabarga ko'ra, futbolchi «Valensiya»ga qarshi uchrashuvda (3:0) kiritgan golni nishonlashda amalga oshirgan harakati uchun jazoga tortilgan.
Gap shundaki, futbolchi gol kiritgach, uni tug'ilgan kunini nishonlayotgan sevgilisiga bag'ishlagan va futbolkasidagi yozuvni ommaga namoyish yetgan holda, o'z tilaklarini yo'llagandi. Buni tashkilot tartib intizom qoidasi ko'rsatilgan talablarga zid deb topildi va futbolchiga 3 ming yevro miqdorida jarima va kechiktirilgan sariq kartochka bilan jazolandi.
«Jarima va sariq kartochka, hammasi sevgilimni tabriklaganim uchun… Yeng qizig'i barchasi uch kun o'tgach sodir bo'lmoqda. Boshqa ishlar bilan shug'ullaning», – deya yozgan Grizmann o'zining ijtimoiy tarmoqlardagi sahifasida.
Bosh sahifaga
253