«PSJ» yarim himoyachisi Marko Verratti «Barselona» bilan bo'lib o'tgan o'yin (6:1) haqida o'z fikrlarini bildirib o'tdi. Ko'k-anorranglilar to'rtta to'p farqini yo'qqa chiqardi va musobaqaning keyingi bosqichiga chiqa oldi.
"«Barselona» keyingi bosqichga chiqishga loyiq o'yin ko'rsatdi. Kataloniyaliklar birinchi bo'limda katta bosim o'tkazdi, va biz juda qiynaldik. Tanaffusdan keyin yaxshiroq o'ynay boshladik, biroq uchinchi to'pni o'tkazib yubordik. Biz uchun bu xavotirli qo'ng'iroq yedi. O'yin oxiri juda asabiy o'tdi. Kavanining goli xotirjamlikni qaytardi. O'shanda men «Barselona» o'yinchilari bilan gaplashib oldim hamda ular bu bahsni qutqara olmasliklarini tan oldilar. Besh daqiqa ichida o'tkazib yuborilgan uch gol – bu tushuntirish mushkul bo'lgan holat. Bu futbol. Ushbu o'yinni hech qachon yoddan chiqarmayman. Umid qilamanki, hamma xulosa chiqaradi. Boshni pasga tushirmaslik uchun o'zida kuch topa bilish kerak. Hamma xafa bo'ldi. 1:6 hisobida mag'lub bo'ldik va gap hakamlarda ham yemas. O'zimiz aybdormiz", - deya Verrattining so'zlarini keltiradi L`Equipe.