«Arsenal» jamoasi bosh murabbiyi, jamoasi bilan YeChLning nimchorak final o'yinlarida umumiy hisobda «Bavariya»ga 2:10 hisobida yengilib turnirni tark yetgan Arsen Venger 8 mart oqshomida bo'lib o'tgan dramatik bahs haqida fikr yuritdi. Bu oqshomda YeChLning nimchorak finali doirasidagi birinchi o'yinda «PSJ»ga 0:4 hisobida yutqazgan «Barselona» 6:1 hisobida g'alaba qozona oldi va chorak final yo'llanmasini qo'lga kiritdi.
«O'tgan kechadagi natijada biz asosiy ikki omilni ko'rdik - hakam va buyuk futbolchilar», deya Vengerning so'zlarini keltirgan Mirror.
Ma'lumot uchun, bu o'yinda kataloniyaliklar ikkinchi bo'lim boshida penaltidan gol urib hisobni 3:0 ko'rinishiga keltirgan, qo'shimcha daqiqalarda, hisob 4:1 bo'lib turgan mahalda Luis Suaresning simulyatsiya orqali ishlagan penaltisidan unumli foydalanib, beshinchi golni urgandi.