Bugun, 9 mart kuni Oliy liganing 2-turi doirasida yana 2ta uchrashuv o'tkazildi. Qarshida «Nasaf» o'z maydonida «Buxoro»ni qabul qildi va g'alaba qozondi.
Avvaliga qarshiliklar jamoasi hujumchisi Dragan Cheran hisobni ochgan bo'lsa, oradan biroz vaqt o'tib «Buxoro» himoyachisi Kiril Pasichnik o'z darvozasini nishonga oldi.
82-daqiqada «Buxoro»ning legioner futbolchisi Ivan Vayttserning uzoqdan yo'llagan zarbasi gol bilan yakunlandi, lekin ushbu gol buxoroliklarni mag'lubiyatdan saqlab qola olmadi.
Endilikda «Nasaf» olti ochkosi bilan peshqadamlar safida bormoqda (3-o'rin), «Buxoro» 3 ochkosi bilan ettinchi o'rinda.
Turning yana bir uchrashuv Olmaliqda mahalliy «Olmaliq» va «Bunyodkor» jamoalari o'rtasida kechdi. O'yinda hisob ochilmasdan qoldi.
2-turdan keyin «Bunyodkor» 4 ochko bilan beshinchi o'rinda, «Olmaliq» esa bir ochkosi bilan 10-o'rinda qolmoqda.
Oliy liga, 2-tur
«Nasaf» (Qarshi) – «Buxoro» (Buxoro) 2:1
«Nasaf»: Sanjar Quvvatov, Akmal Shorahmedov, Azizjon G'aniev, Odiljon Hamrobekov, Shaxboz Erkinov (Dilshod Xushbakov, 76), Bahrom Abdurahimov, Igor Golban, Sherzod A'zamov (s), Islom Rashidxonov (Doniyorjon Narzullaev, 76), Farrux Sayfiev, Dragan Cheran.