Angliya premer-ligasining fevral oyidagi yeng yaxshi murabbiyi nomi aniq bo'ldi. Bu haqda Premer-liga matbuot xizmati xabar tarqatdi.
Unga ko'ra, «Manchester Siti» bosh murabbiyi Xosep Gvardiola oyning yeng yaxshi murabbiyi deb topildi. Gvardiola bu sovrinni ilk marta qo'lga kiritdi.
«Manchester Siti» oy davomida o'tkazilgan uchta uchrashuvning barchasida g'alaba qozondi.
Eslatib o'tamiz, oyning yeng yaxshi murabbiyligi uchun «Chelsi» bosh murabbiyi Antonio Konte, «Manchester Yunayted» bosh murabbiyi Joze Mourinolar da'vogarlik qilishgandi.