Osiyo futbol konfederatsiyasi 2019 yilgi Osiyo kubogi saralash bosqichidagi Shimoliy Koreya va Malayziya uchrashuvini qoldirdi. O'yin 28 mart kuni Pxenyanda bo'lib o'tishi kerak yedi.
OFK bergan ma'lumotga ko'ra, bunga ikki davlat o'rtasida yuzaga kelgan ziddiyat sabab bo'lgan.
Avvalroq, Malayziya OFKdan uchrashuvni neytral o'yingohga ko'chirishni so'ragan yedi. Hozirgi vaqtda OFK o'yin o'tkazilishi bilan bog'liq bo'lgan vaziyatlarni o'rganmoqda. Uchrashuvning o'tkazilish vaqti biroz keyin ma'lum qilinadi.