Odoxa kompaniyasi frantsiyalik muxlislar o'rtasida terma jamoa futbolchilari bo'yicha fikrlarni o'rganib, so'rovnoma o'tkazdi.
1006 nafar frantsuz ishtirok yetgan so'rovnomada Karim Benzemaning terma jamoaga qaytishini istamaydiganlar ko'pchilikni tashkil qilishi ma'lum bo'ldi. So'rovnoma qatnashchilarining 78 foizi o'tgan yili mojaroga aralashib qolgani tufayli chetlatilgan Benzemaning qaytishiga qarshi ovoz bergan. 19 foiz kishi uning qaytishiga rozi, 3 foiz kishi ovoz berishni istamagan.
Benzema oxirgi marta 2015 yili Frantsiya terma jamoasi tarkibida o'ynagandi. U Mate Valbuenaga shantaj qilinishi bo'yicha mojaroga aralashib qolgandi.
Bundan tashqari, 36 foiz muxlis «Monako»ning 18 yoshli hujumchisi Kilian Mbappe terma jamoaga chaqirilishini istamoqda. Joriy mavsumda u barcha musobaqalar doirasida 16ta gol urishga muvaffaq bo'lgan.
Frantsiyaliklarning yeng sevimli futbolchisi yesa «Atletiko» hujumchisi Antuan Grizmann yekani ma'lum bo'lgan. Uni yoqlab 46 foiz muxlis ovoz berdi. Keyingi o'rinlarni Ugo Loris (15 foiz), Dimitri Payet (14 foiz) va Pol Pogba (7 foiz) yegalladi.