Madridning «Real» futbol klubi 30 yoshli himoyachisi Serxio Ramos o'z faoliyatida ilk bor butun bir mavsum doirasida o'nta to'pni kiritdi. Ramos uchun Ispaniya primerasining 27-turi doirasidagi «Real»-«Betis» bahsida kiritgan to'pi o'ninchi golga aylandi. Ushbu bellashuvda madridliklar 2:1 hisobida irodali g'alabaga yerishdi. Serxio Toni Kroos tomonidan burchakdan oshirib berilgan to'pni boshi bilan davozaga aniq joylab qo'yib, o'z hisobiga navbatdagi g'alaba golini yozib qo'ydi.
«Real» ushbu muvaffaqiyat va «Barselona»ning «Deportivo» bilan o'yinda mag'lub bo'lgani tufayli chempionatda birinchi o'ringa qaytdi hamda kataloniyaliklarni ikki ochkoga ortda qoldirmoqda. Shu bilan birga, madridliklar bir uchrashuv kam o'tkazishgan.