«Manchester Siti» bosh murabbiyi Xosep Gvardiola Yevropa chempionlar ligasining 1/8 final «Monako»ga qarshi javob uchrashuvi (5:3 – birinchi uchrashuv) oldidan o'z fikrlari bilan o'rtoqlashdi.
«Agar biz o'zimizni keyingi bosqichga chiqib bo'lgan deb hisoblaganimizda bu juda katta xato bo'lardi. Uchrashuvning birinchi daqiqasidanoq jamoam g'alaba qozonish uchun maydonga tushganini isbotlashini xohlayman. Biz albatta gol urishimiz kerak.
«Monako» – ajoyib jamoa. Barchani yertangi uchrashuvni tomosha qilishga taklif yetaman, kelganlar ajoyib futbol guvohiga aylanishadi.
Himoyalanishning yeng to'g'ri yo'li – gollar kiritish. Bitta jamoa bu qadar ko'p gol kiritganida, sen himoya haqida o'ylashing – bu o'z joniga qasd qilish. Maqsadimiz – hujum qilish. Bu jamoa osonlikcha gol o'tkazib yubormasa ham ularga beshta gol urishga muvaffaq bo'ldik.
Ketma-ket yetti marta YeChL yarim finallarida o'ynaganim haqida o'ylayotganim yo'q. Mening vazifam – «Manchester Siti»ga keyingi bosqichga chiqishi uchun ko'maklashish. Yana nima xohlashim mumkin – bu yaxshi futbol ko'rsatish. Hozirgi orzuim bu chorak finalga yo'llanma olish», – deya Gvardioladan iqtibos keltiradi klub rasmiy tvitteri.
Bosh sahifaga
263