«Real» hujumchisi Krishtianu Ronaldu «Portu» hujumchisi Andre Silvaning imkoniyatlariga juda yuqori baho bermoqda. Shu tufayli Portugaliya terma jamoasi sardori «Qirollik klubi» rahbari Florentino Peresdan uni transfer qilishni so'ragan.
A Bola ma'lumotiga ko'ra, agar «Real» Ronalduning bu istagini amalga oshirishga qaror qilsa, 60 mln yevro sarflashiga to'g'ri keladi.
Portugaliya chempionatining 25 turidan keyin 21 yoshli Silva 24 uchrashuvda maydonga tushib, 15 gol urgan holda jamoa to'purarlaridan biri bo'lib turibdi. Uning «Portu» bilan amaldagi shartnomasi 2021 yilning yoziga qadar tuzilgan.
O'tgan oyda ushbu yosh futbolchiga «Liverpul», «Arsenal», «Manchester Siti», «Yuventus», «Sauthempton» va «Nyukasl» kabi jamoalardan qiziqishlar mavjudligi haqida xabarlar berilgandi.