Dortmundning «Borussiya» klubi Germaniya Kubogining chorak finalida «Shportfroynde» jamoasiga qarshi qoldirilgan uchrashuvni o'tkazdi. Osnabryukdagi «Osnatel-Arena» stadionida kechgan uchrashuv mehmonlarning 3:0 hisobidagi g'alabasi bilan yakunlandi.
Uchrashuv 28 fevral kuni o'tkazilishi kerak yedi, ammo yomon ob-havo tufayli bu uchrashuv 14 martga ko'chirilgandi.
G'oliblar safida gollarga Kristian Pulishich, Andre Shyurrle va Marsel Shmeltser mualliflik qilgan.
Shu tariqa Germaniya Kubogi yarim finaliga chiqqan «Borussiya» D «Bavariya»ga qarshi o'ynaydigan bo'ldi.
Ikkinchi juftlikni «Borussiya» M va «Ayntraxt» jamoalari tashkil qilishgan.
Yarim final uchrashuvlari 25-26 aprel kunlari, final 27 may kuni Berlindagi «Olimpiyashtadion»da bo'lib o'tadi.