«Everton» hujumchisi Romelu Lukaku yozda liverpulliklar klubi safini tark yetishi mumkin.
Calciomercato.it xabariga ko'ra, «Real», «Manchester Yunayted», «Yuventus», «Arsenal», «Atletiko» va «PSJ» kabi jamoalar talabgor bo'lib turgan 23 yoshli belgiyalik futbolchini transfer qilishga «Milan» tomonidan ham qiziqish bildirilmoqda.
Yaqin vaqtlar ichida milanliklar klubi osiyolik investorlarga sotilishi kutilmoqda va yangi xo'jayinlar jamoani kuchaytirish uchun katta mablag' ajratishi mumkin.
Transfer uchun ajratilgan mablag'ning asosiy qismi «irislar» jamoasi hujumchisi uchun sarflanishi rejalashtirgan. «Everton» bu futbolchini 80 million yevroga pullashi mumkin.
Bundan oldinroq ushbu futbolchi «Everton» bilan shartnomani uzaytirmagani va boshqa kuchliroq klub safida o'ynash niyatida yekani haqida xabar berilgandi.
Lukaku APLning joriy mavsumida 19 gol urib, 5 golga hammualliflik qildi. «Everton» safida 2013 yildan buyon to'p surib kelayotgan futbolchining jamoa bilan shartnomasi 2019 yilga qadar tuzilgan.
Bosh sahifaga
219