«Barselona» yarimhimoyachisi Rafinya Alkantara mavsum yakunlangach, jamoani tark yetish haqida jiddiy o'ylanmoqda. Bu haqda Sport.es nashri xabar tarqatdi.
Manbaga ko'ra, futbolchi bu haqda o'z yaqinlariga ma'lum qilgan. Rafinyaning bu qaroriga asosiy sabab sifatida jamoada juda kam o'yin amaliyotiga yega bo'layotganini ko'rsatgan. Futbolchining hisoblashicha, bu uning o'yinida pasayish yuzaga kelishiga sabab bo'lmoqda. Bundan tashqari futbolchining o'zi ham kutilgan o'yin namoyish qila olmayotganini tushunib turibdi.
Joriy mavsumda Rafinya Ispaniya chempionatining 16ta o'yinida (12tasida asosiy tarkibda) maydonga tushib, 6ta gol urgan va 2ta golga assistentlik qilgan.
Eslatib o'tamiz, oldinroq kataloniyaliklarning yana bir yarimhimoyachisi Arda Turon Xitoy chempionatiga o'tib ketishni reja qilayotgani haqida xabarlar tarqalgandi.
Bosh sahifaga
207