Angliyaning «Midlsbro» klubi bosh murabbiyi Aytor Karanka iste'foga chiqarildi. Bu haqda jamoa rasmiy sayti xabar tarqatdi.
Aytor Karanka klubda uch yarim yil davomida faoliyat olib bordi. Bu davrda u jamoani 7 yillik tanaffusdan so'ng yana Angliya premer-ligaga qaytardi. So'nggi vaqtlarda jamoa o'yinida yuzaga kelgan pasayish natijasida rahbariyat ispaniyalik mutaxassis bilan xayrlashishni ma'qul deb topdi.
Ma'lumot uchun, «Midlsbro» o'tkazilgan 27 uchrashuvdan keyin 22 ochko to'plagan holda APL turnir jadvalida 19-o'rinda bormoqda. Jamoa 17-o'rinda borayotgan «Kristal Pelas»dan uch ochko ortda qolayapti.