«Arsenal» jamoasi bosh murabbiyi Arsen Venger APLning navbatdagi turi doirasida «Vest Bromvich»ga qarshi kechadigan uchrashuv oldidan fikrlarini bildirib o'tdi.
«Albatta, «Arsenal» uchun to'rtinchi o'rinni qo'lga kiritish juda muhim. Hozirda biz shunday holatdamizki, ochko yo'qotishimiz mumkin yemas. Har qanday holatda ham mag'lub bo'lishga ruxsat yo'q. Qarshimizda qiyin raqib, «Vest Bromvich» hamisha murakkablik tug'dira olgan.
Bu jamoa katta tajribaga yega. Jamoa o'yini yaxshi tashkillashtirilgan va futbolchilari yaxshi jismoniy tayyorgarlikka yega. Ular standart vaziyatlar vaqtida juda yaxshi harakat qilishadi va ko'p hollarda gol urishadi. «Vest Bromvich» – premer-ligada balansni saqlab tura oladigan jamoa», – degan frantsiyalik mutaxassis.
Ayni vaqtda «Arsenal» 50 ochko bilan APL turnir jadvalining beshinchi o'rnida joylashgan. Jamoa 2 o'yin kam o'tkazgan holda to'rtinchi o'rindagi «Liverpul»dan 5 ochko ortda qolgan. «MYu» 26 o'yindan 49 ochko to'plagan holda londonliklar jamoasini ta'qib qilmoqda.