«Manchester Yunayted» bosh murabbiyi Joze Mourinyu Yevropa ligasining 1/8 finali doirasida «Rostov» bilan javob bellashuvidagi g'alaba (1:0) haqida o'z fikrlarini bildirib o'tdi. Bu natija mankunianliklarni 1/4 finalga olib chiqdi.
«Biz qo'shimcha vaqtdan qo'rqqandik. Murakkab o'yin bo'ldi. „MYu“ning dushmanlari ko'p. Aslida raqib faqat „Rostov“ bo'lishi kerak, biroq bizda ular juda ko'p. Dushanba kuni o'nta bo'lib, keyin – bugun, so'ngra – yakshanba kuni kunduzi o'ynash qiyin.
Ko'plar biz ko'proq to'p kiritishimiz kerakligini aytishi mumkin. Biroq ko'p narsa bizning foydamizga yemas. Yigitlarim ajoyib yedi. Aftidan, biz yakshanba kungi o'yinda mag'lub bo'lamiz – bu charchash tufayli ro'y berishi mumkin.
Birinchi bo'limda yaxshi o'ynadik, vaziyatlar yaratdik, „Rostov“ yesa maydon markazidan nariga o'ta olmadi. Hammasi biz bir necha to'p kiritib, o'yinni yakunlaymiz, degandek tasavvur uyg'otdi. Biroq ular ham yaxshi futbol ko'rsatishdi va bizga muammolar keltirib chiqarishdi», - deya Mourinyuning so'zlarini keltiradi BBC.
Ma'lumot uchun, «MYu» keyingi bahsda APLning 29-turi doirasida «Middlsbro»ga qarshi maydonga tushadi. Bellashuv yakshanba, 19 mart kuni bo'lib o'tadi. O'yinning boshlanish vaqti – Toshkent vaqti bilan 17:00.