«Bavariya» yarimhimoyachisi Joshua Kimmixga «Manchester Siti» va «Barselona» jamoalari jiddiy qiziqish bildirmoqda. Bu haqda Sport Bild nashri xabar tarqatdi.
22 yoshli futbolchi oldinroq, kam o'yin amaliyotiga yega bo'layotganidan norozi bo'layotgani haqida xabarlar tarqalgandi. Ikkala klub yesa bu vaziyatni kuzatib bormoqda va futbolchini qo'lga kiritish ilinjida yuribdi.
«Manchester Siti» bosh murabbiyi Xosep Gvardiola «Bavariya»ning universal futbolchisiga shaxsan o'zi qiziqish bildirgan. Aynan Pepning davrida u Myunxenga olib kelingan va jamoa asosiy tarkibidan o'rin olgandi.
Kimmix joriy mavsumda bundesligada 18 uchrashuvda maydonga tushib, 4ta gol va 1ta golli uzatmaga mualliflik qilgan.