Braziliyaning «Shapekoense» klubi prezidenti Plinio David des Neves «Barselona»ga jamoasiga ko'rsatgan moliyaviy ko'magi sabab minnatdorchilik bildirdi.
«Barselona» — bizga moliyaviy jihatdan ko'mak bergan yagona klub. Dahshatli tragediyadan keyingi davrning boshidanoq ular bizga do'stlik qo'lini tutishdi. Menimcha Joan Gamper turnirida ishtirok yetishimiz uchun kerak bo'lgan mablag'ning barchasini to'lab berishdi. Ikkala jamoa o'rtasidagi uchrashuvdan tushgan mablag' o'rtada teng taqsimlanishi ham mumkin yedi.
Shuningdek, «Roma» ham biz bilan o'rtoqlik o'yini o'tkazishni rejalashtirgandi, biroq bizda o'ta zich taqvim bo'lgani uchun buning ilojini topa olmadik», — deya des Nevesning so'zlarini keltiradi Fox Sports.
Eslatib o'tamiz, 2016 yilning 29 noyabr kuni Braziliya klubi joylashgan samolyot Kolumbiyaning Medelin hududida halokatga uchragandi. Samolyot qulashi natijasida bortda bo'lgan 6 kishining joni saqlab qolingan. Ularning uch nafari futbolchilar: darvozabon Jakson, himoyachilar Alan Rushel va Neto.