Dortmundning «Borussiya» futbol klubi Germaniya chempionatining 25 turi doirasidagi «Ingolshtadt» bilan uchrashuvda g'alaba qozondi. Dortmunddagi «Signal Iduna Park» stadionida kechgan bahs 1:0 hisobida yakunlandi.
Bellashuvdagi yagona gol hujumchi Per-Emerik Obameyyang tomonidan 14-daqiqada kiritildi. Gabonlik futbolchi Marsel Shmeltserning qanotdan uzatib bergan to'pini mehmonlar darvozasiga aniq joylab qo'ydi.
«Borussiya» 46 ochko jamg'ardi va Bundesliga turnir jadvalida uchinchi o'rnini yegallab turibdi, «Ingolshtadt» (19) 17-pog'onada.