«Manchester Siti» jamoasi bosh murabbiyi Xosep Gvardiola yozda mudofaa chizig'ini kuchaytirishni niyat qilgan.
The Guardian ma'lumotiga ko'ra, ispaniyalik mutaxassis yozgi transferlarni amalga oshirishi uchun kamida 150 million funt bilan ta'minlanadi.
Gvardiola bir darvozabon – Yederson («Benfika») hamda 3 himoyachi, markaziy himoyaga – Yemerik Laport («Atletik»), o'ng va chap qanotlarga – Denni Rouz va Kayl Uokerni (ikkisi ham – «Tottenhem») sotib olmoqchi.
Shuningdek, Serxio Aguero jamoadan ketadigan bo'lsa, Gvardiola «Arsenal»dan Aleksis Sanchesni o'z jamoasiga taklif qilishni rejalashtirgan.
Bundan oldinroq «Manchester Siti»ning 17 nafar futbolchisining kelajagi so'roq ostida qolayotgani haqida xabar berilgandi.