Ispaniya chempionatining 28-turi doirasida «Betis» «Osasuna»ni mag'lub yetdi. Sevilyadagi «Benito Vilyamarin» stadionida kechgan uchrashuv mezbonlarning 2:0 hisobidagi g'alabasi bilan yakunlandi.
O'yin avvalida Rafael Navarro «Betis»ni oldinga olib chiqdi, 28-daqiqada Ruben Kastro hisobni 2:0 ko'rinishiga keltirdi va o'yinda shu hisob saqlanib qoldi.
Bu pamplonaliklar jamoasining Ispaniya chempionatida qatorasiga yigirmanchi uchrashuvda g'alaba qozona olmagan o'yin bo'ldi.
28-turdan keyin «Betis» 31 ochko bilan turnir jadvalida 13-o'rinda va jamoa xavfli hududdagi birinchi jamoadan 12 ochko ko'p to'plagan. «Osasuna» 11 ochkosi bilan oxirgi o'rinda joylashgan.
Turning boshqa uchrashuvlarida «Alaves» «Real Sosedad»ni yengdi (1:0), «Eybar» va «Espanol» uchrashuvida durang qayd yetildi (1:1).