Italiya A seriyasining 29-turidan o'rin olgan yana ikki uchrashuv bo'lib o'tdi. O'z uyida «Sassuolo»ni qabul qilgan, «Roma» irodali g'alabani qo'lga kiritdi.
Uchrashuvning dastlabki daqiqalarida Gregor Defrel tomonidan kiritilgan gol yevaziga mehmonlar hisobda oldinga chiqib olishgandi. Biroq Leandro Paredes va Muhammad Saloh birinchi bo'limda, Yedin Djeko ikkinchi bo'limda kiritgan gollar yevaziga rimliklar g'alabani o'z tomoniga og'dira olishdi.
Ushbu g'alabadan keyin «Roma» hisobidagi ochkolar soni 65taga yetdi va jamoa yana 2-o'ringa ko'tarilib oldi. Rimliklar peshqadam «Yuventus»dan 8 ochko kam to'plagan bo'lsa, «Napoli»ni ikki ochko ortda qoldirmoqda.
Yana bir uchrashuvda «Udineze» «Palermo»ni yirik hisobda tor-mor yetdi. Udinedagi «Friuli» stadionida kechgan uchrashuv mezbonlarning 4:1 hisobidagi g'alabasi bilan yakunlandi. «Palermo» qatorasiga uchinchi uchrashuvda mag'lubiyatga uchradi.
Roland Shallaining goliga mezbonlar Siril Tero, Duvan Sapata, Rodrigo De Paul va Yakuba Yanktoning gollari bilan javob qaytarishdi.
Endilikda «Udineze» 36 ochko to'plagan holda turnir jadvalida 12-pog'onani band yetgan, «Palermo» 15 ochkosi bilan 18-o'rinda va ligada qolishni ta'minlaydigan 17-dan 7 ochkoga ortda qolmoqda.