«Zenit» bosh direktori Maksim Mitrofanov va «Lokomotiv» prezidenti Ilya Gerkus RFPLning 20-turi doirasidagi «Lokomotiv» – «Spartak» (1:1) o'yini haqida bayonot bilan chiqishdi. Klublar rahbarlari TASS vakilining «Sport FM» radiostantsiyasi yefiridagi so'zlariga izoh berishdi. U yerda shunday deyilgandi: «Zenit» «Spartak» bilan o'yin uchun mablag'larni o'tkazib berdi, pullar «Lokomotiv» murabbiy va o'yinchilari hisob raqamlariga kelib tushdi».
«TASS jurnalisti bayonotini haqoratli, mas'uliyatsiz, tuhmatga to'la hamda jurnalistik yetikani qo'pol ravishda buzgan deya baholaymiz. Yeng afsuslanarlisi, shunday fikrlar katta tarix va an'analarga yega axborot agentligi vakili tomonidan bildirilishi. Biz darhol raddiya berilishi hamda noprofessional xatti-harakatlar qilgan xodim jazolanishini talab qilamiz», - deya ta'kidlab o'tdi Gerkus.
«Biz odatda ahmoqona gaplarga izoh bermaymiz. Biroq ushbu holatda shuni ta'kidlab o'tishga majburmizki, nufuzli yangiliklar agentligi vakillari o'zlarini xuddi sariq matbuot mualliflari kabi tutishi juda hayratlanarli. Umid qilamanki, agentlik ham, har ikki klub obro'sini to'kadigan yolg'on ma'lumotlar berilgan radiostantsiya ham vaziyatni o'rganib chiqadi. Biz uzr so'rashlarini kutib qolamiz va umid qilamizki, agentlik bu vaziyatdan xulosa chiqaradi», - dedi Mitrofanov.
Bosh sahifaga
243