«Chelsi» jamoasi himoyachisi Gari Keyhill Angliya terma jamoasiga 22 mart kuni Germaniyaga qarshi kechadigan o'rtoqlik uchrashuvida sardorlik qiladi.
«Angliya terma jamoasi safida o'ynash — hamisha sharafli ish. Sardor bo'lish yesa undan ham ortiq. Shunday yekan, men juda xursandman. Menga Germaniyaga qarshi o'yinda sardorlik bog'ichi ishonib topshirilishi ajoyib ish bo'ldi», — degan Keyhill.
Oxirgi yillarda inglizlar sardori bo'lgan Ueyn Runi terma jamoadan chaqiruv olmagan. Murabbiy Garet Sautgeyt buni futbolchi klubida doimiy o'yin amaliyotiga yega bo'lmayotgani bilan izohlagan.