Nigeriya va Senegal terma jamoalari o'rtoqlik uchrashuvida maydonga tushishdi. Londonda bo'lib o'tgan bahs 1:1 hisobida yakunlandi.
Har ikki to'p ham ikkinchi bo'limda kiritildi. «Fenerbahche» hujumchisi Mussa Sov 54-daqiqada Senegalni hisobda oldinga olib chiqdi. Nigeriya «Manchester Siti» forvardi Kelechi Ixeanachoning 83-daqiqada penaltidan kiritgan goli tufayli mag'lubiyatdan qutulib qoldi.
Ma'lumot uchun, Nigeriya hamda Senegal JCh-2018 final bosqichiga chiqish uchun kurash olib bormoqda. Nigeriyaliklar Afrikadagi saralash bahslarining V guruhida 2 turdan so'ng 6 ochko jamg'arib yetakchilik qilayotgan bo'lsa, Senegal D kvartetida 3-o'rinni yegallab turibdi (3 ochko).