"Yuventus" va Italiya terma jamoasi darvozaboni Janluji Buffon faoliyatidagi oxirgi uchrashuvida Zinedin Zidan kabi raqibiga boshi bilan zarba berib, qizil kartochka olishi mumkinligi haqida hazillashdi. Frantsiya terma jamoasining sobiq yarim himoyachisi, afsonaviy Zinedin Zidan aynan shunday yo'l bilan faoliyatini yakunlagandi. U 2006 yilgi jahon chempionatining Italiyaga qarshi final uchrashuvida raqibi Marko Materatstsiga shunday "usulni" qo'llagani uchun maydondan chetlatilgandi.
"Men faoliyatimdagi so'nggi uchrashuvni qanday tasavvur qilaman? Balki men Zidan o'zining so'nggi uchrashuvida qilgandek maydonda kimgadir boshim bilan zarba berarman. Biroq faoliyatimdagi so'nggi uchrashuv haqida o'ylashdan oldin Italiya terma jamoasi Rossiyada o'tadigan 2018 yilgi jahon chempionatiga yo'l olishi kerak. Yehtimol, aynan shu musobaqada faoliyatimdagi oxirgi uchrashuvni o'tkazarman. Menda bu haqda o'ylab ko'rishga hali imkoniyat bor", deb aytgan Buffon.