Ukraina terma jamoasi 2018 yilgi jahon chempionati saralash bosqichining navbatdagi turida Xorvatiya termasiga mag'lub bo'ldi. Zagrebdagi "Maksimir" stadionida o'tgan uchrashuv 1:0 hisobida yakunlandi.
Uchrashuvdagi yagona to'pni 38-daqiqada hujumchi Nikola Kalinich kiritdi: "Fiorentina" futbolchisi raqib jarima maydonchasida Ivan Rakitich pasini qabul qilib olib, uni to'g'ri darvoza to'riga joyladi.
I guruhidan o'rin olgan yana bir uchrashuvda Islandiya mehmonda 1:2 hisobida Kosovoni yutdi. Islandiyaliklar safida gollarni Born Sigurdarson va Gilfi Sigurdsson urdilar, kosovoliklarning yagona to'pini Atdxi Nuxiu o'z hisobiga yozib qo'ydi.