O'zbekiston milliy terma jamoasi hamda Moskvaning «Lokomotiv» klubi himoyachisi Vitaliy Denisov Qatarga qarshi JCh–2018 turniriga saralash bosqichi 7-turida ishtirok eta olmaydi.
Bu haqda O'zbekiston terma jamoasi bosh murabbiyi Samvel Babayan Qatarga qarshi o'yin oldidan o'tkazilgan matbuot anjumanida ma'lum qilgan.
30 yoshli himoyachi 18 mart kuni «Spartak» jamoasiga qarshi (1:1) Rossiya chempionati 20-turida jarohat olgandi va Suriyaga qarshi (0:1) o'yinni o'tkazib yuborganadi. Ayni vaqtda Denisov tiklanish jarayonini o'tkazmoqda.
Eslatib o'tamiz, O'zbekiston terma jamoasi 28 mart kuni Toshkentda Qatar terma jamoasini qabul qiladi. Uchrashuv «Bunyodkor» stadionida bo'lib o'tishi va 18:00 da start olishi rejalashtirilgan.
Bosh sahifaga
340