Kirish | A'zo bo'lish

Futbol bo'yicha Braziliya terma jamoasi JCh-2018 Janubiy Amerika saralash bosqichining 14-turida Paragvayni yirik hisobda mag'lubiyatga uchratdi. San-Pauluda kechgan bahs mezbonlarning 3:0 hisobidagi g'alabasi bilan yakunlandi.

«Liverpul» yarim himoyachisi Filippe Koutino braziliyaliklarni 34-daqiqada hisobda oldinga olib chiqdi. «Barselona» forvardi Neymar 64-daqiqada ikkinchi to'pni kiritgan bo'lsa, «Real» himoyachisi Marselo uchrashuvga nuqta qo'yib berdi (86-daqiqa). Ta'kidlab o'tish joizki, Neymar 53-daqiqada penaltini aniq amalga oshira olmadi.

Braziliya ushbu g'alabadan so'ng 33 ochko jamg'ardi va musobaqa saralash jadvalida yetakchilikni davom yettirmoqda. Paragvay (18 ochko) 7-o'rinda.

Braziliya – Paragvay 3:0 (1:0, 2:0)

Gollar: 1:0 – 34 Koutino, 2:0 – 64 Neymar, 3:0 – 86 Marselo.

Braziliya – Alisson, Markinos (Tiago Silva, 46), Marselo, Fagner, Miranda, Renato Augusto, Kazemiro, Paulino, Koutino (Villian, 87), Firmino (Diego Souza, 87), Neymar.

Paragvay – Silva, da Silva, Alonso, Valdes, Veron, Roxas, Riveros, Almiron (Romero, 46), Peres, Dominges (Romero, 77), Gonsales (Santander, 56).

Ogohlantirishlar: Valdes (5), Dominges (76), Roxas (80).



— deya xabar beradi Tribuna nashri.

Do`stlarbilan baxam ko`rish: