Braziliya terma jamoasi 2018 yilgi Jahon chempionati uchun saralash bosqichida muddatdan oldin yo'llanmani qo'lga kiritgan ilk terma jamoaga aylandi.
Bu Urugvay terma jamoasi Peruga mag'lub bo'lgach ma'lum bo'ldi. Yendilikda KONMEBOL hududidagi saralash guruhida Braziliya 33 ochko to'plagan holda peshqadam qilmoqda va yeng yaqin ta'qibchisi Kolumbiyani 9 ochkoga ortda qoldirmoqda. Ketma-ket uchinchi mag'lubiyatdan keyin Urugvay 23 ochkosi bilan uchinchi o'rinda qoldi. Yendi pentakampionlar qolgan 4 turda qanday natijalar qayd yetilishidan qat'i nazar to'rtinchi o'rindan tushib ketmasligi kafolatlandi. Shu tariqa Braziliya Rossiyadagi jahon chempionatida ishtirok yetishi aniq bo'lgan ikkinchi terma jamoaga aylandi, mezbonlar bu huquqni to'g'ridan-to'g'ri qo'lga kiritishgan.
Ayni vaqtda guruhda to'rtinchi o'rinda Chili joylashgan (23 ochko), beshinchi o'rinda Argentina (22 ochko), oltinchida Yekvador (20).
Keyingi turda Braziliya 31 avgust kuni Yekvadorni qabul qiladi, Chili Paragvay bilan, Venesuela Kolumbiya bilan, Peru Boliviya bilan, Argentina yesa Urugvay bilan o'ynaydi.
Bu mintaqada saralash bosqichi 2017 yilning oktyabrida yakunlanadi. 4 jamoa to'g'ridan-to'g'ri yo'llanmaga yega bo'ladi, beshinchi o'rin yegasi yesa Okeaniya vakiliga qarshi o'tish o'yinida ishtirok yetadi.
Bosh sahifaga
150