Hozirda Italiyaning «Milan» klubida to'p surayotgan «Everton» yarimhimoyachisi Jerar Deulofeu oxir-oqibatda «Barselona»ga qaytadigan ko'rinadi. Bu haqda Mundo Deportivo nashri xabar tarqatdi
Manba bergan ma'lumotga ko'ra, kataloniyaliklar klubi 23 yoshli futbolchini qaytadan sotib olish huquqidan foydalanmoqchi. Unga ko'ra, «Barselona» «Everton»ga 12 million yevro to'laydi va Deulofeuni qaytarib oladi.
Deulofeu yanvarda «Milan» safiga kelib qo'shilgach, tezda asosiy tarkibning muqim a'zosiga aylandi va Ispaniya terma jamoasidan taklif oldi. Frantsiya terma jamoasiga qarshi kechgan o'rtoqlik uchrashuvida u ikkinchi golga mualliflik qildi.