Hujumchi Aleksis Sanches hattoki «Arsenal» futbol klubidan ketgan taqdirda ham Londonda qolishni rejalashtirayotganiga ishora qildi. Chililik bu haqda unga «Chelsi» klubidan qiziqish bo'layotgani haqidagi ma'lumotlar paydo bo'lgach aytib o'tdi.
«Men Londonda o'zimni juda yaxshi his qilaman va „Arsenal“ bilan shartnomamni oxirigacha ishlash niyatidaman. Shu shaharda o'ynashda davom yetib, sovrinlar yutishni istayman. Men o'z oldiga katta maqsadlar qo'yadigan jamoada harakat qilmoqchiman. Yoshim 28da va hali hammasi oldinda. Men o'z organizmim haqida qayg'urishni hech qachon yoddan chiqarmayman», - deya Aleksisning so'zlarini keltiradi Metro.
Ma'lumot uchun, Aleksisning «Arsenal» bilan shartnomasi 2018 yilning yoziga qadar imzolangan.